முதலில் முருங்கை இலைகளை நன்கு சுத்தம் செய்து எடுத்து வைத்துக்கொள்ள வேண்டும். தேவையான பொருட்களையும் எடுத்து வைத்துக்கொள்ள வேண்டும்.

மிக்ஸியில் சீரகம், கொத்தமல்லி, மிளகு,பூண்டு, வெங்காயம், கறிவேப்பிலை,
அனைத்தையும் தண்ணீர் சேர்க்காமல் கொரகொரப்பாக அரைத்து எடுத்து வைத்துக் கொள்ள வேண்டும்.

சூப்பின் சுவையைக் கூட்ட மண் சட்டியில் செய்யவும்.அடுப்பில் மண்சட்டி வைத்து 5 டம்ளர் தண்ணீரை ஊற்றி முருங்கைகீரை, மஞ்சள் தூள் அதனுடன் சேர்த்து அனைத்தையும் கலந்து விடவும்.

அரைத்து வைத்துள்ள வெங்காயம்,பூண்டு,
சீரகம்,கொத்தமல்லி, மிளகு கலவைகளை முருங்கைகீரை உடன் சேர்த்து அனைத்தையும் நன்கு கலந்து விடவும். பின் தேவைக்கேற்ப உப்பு அதனுடன் சேர்க்கவும்.

அனைத்தையும் நன்கு கலந்துவிட்டு 20 நிமிடம் நன்கு கீரையை மூடி போடாமல் வேக விடவும். கீரை நன்கு வெந்தவுடன் அடுப்பில் இருந்து இறக்கவும். பின் ஒரு பாத்திரத்தில் வடிகட்டி வைத்து சூப்பை மட்டும் தனியாக வடித்து எடுத்துக் கொள்ளவும்.

வடிகட்டிய சூப்பை தனியாக எடுத்துக்கொள்ளவும். நமது சுவையான உடலுக்கு வலிமை தரும் முருங்கை சூப் தயார்👌👌

பின் அதனுடன் தேவைக்கேற்ப மிளகு தூள் சேர்த்து குழந்தைகள் பெரியவர்கள் அனைவருக்கும் பரிமாறி மகிழுங்கள்👍 நன்றி😊