प्रथम गव्हाचे पीठ घेऊन त्यात चवीपुरतं मीठ,तेल आणि ओवा घालून चांगले मिक्स करून घ्यावे आणि पीठ मळून घ्यावे आणि पंधरा वीस मिनिटे झाकून बाजूला ठेवावे.

तूर डाळ स्वच्छ धुऊन त्यात हिंग आणि हळद घालून कुकरमध्ये शिजवून घ्यावी

लसून पाकळ्या जीरे आणि खोबरे मिक्सरमधून वाटून घ्यावे

आता एका पातेल्यात तेल घेऊन त्यात फोडणी करून मिक्सरवर वाटलेले जीरे खोबरे आणि लसूण त्यात घालावे, त्यात थोडीशी कोथिंबीर आणि कढीपत्ता घालून शिजवलेले वरण घालून आमटी करावी.

मग आपण जी बाजूला कणिक मळून ठेवली होती तिची पोळी लाटून त्या पोळीवर कात्रण फिरवून शंकरपाळ्या सारखी कापून घ्यावे.

सगळे कापून घेतल्या नंतर परत गॅस लावावा आणि त्या आमटी मध्ये एकेक करून असे सगळे कापून घेतलेले शंकरपाळी सोडावीत.

शिजण्यासाठी चार-पाच दणकून वाफा आणल्यानंतर त्यावर कोथिंबीर घालावी आणि एक चमचा साजूक तुप घालावे आणि सादर करावे