ஒரு ஆட்டுக்கு குடலை வாங்கிக் நன்றாக சுத்தம் செய்யவும். சூடான தண்ணீர் வைத்து கொதித்தவுடன் குடலை முன்புறம், பின்புறமாக பிரட்டி கொழுப்பு, தோல், அட்டை, கழுவி சுத்தம் செய்யவும்.

சுத்தம் செய்த குடலை மஞ்சள் தூள் சேர்த்து பிசைந்து வைக்கவும். குழம்பு வைப்பதற்கு அரைக்க தேவையான பொருளை எடுத்துக் கொள்ளவும்.

ஒரு மிக்ஸி ஜாரில் 10 பூண்டு பல், ஒரு பெரிய துண்டு இஞ்சி சேர்த்து அரை டம்ளர் தண்ணீர் ஊற்றி பேஸ்டாக அரைக்கவும்.

அரை மூடி தேங்காய் துருவலை எடுத்துக்கொண்டு மிக்ஸி ஜாரில் அரை டம்ளர் தண்ணீர் ஊற்றி அரைத்து கொள்ளவும். ஒரு உருண்டை புளியைக் தண்ணீரில் சேர்த்துக் கரைக்கவும்.

அடுப்பில் ஒரு குக்கரை வைத்து எண்ணெய் ஊற்றவும். என்னை காய்ந்தவுடன்,

பட்டை, பூ, லவங்கம், பிரிஞ்சி இலை, கிராம்பு, ஒரு ஸ்பூன் சோம்பு, அரை ஸ்பூன் வெந்தயம் சேர்த்து தாளிக்கவும். பின் கருவேப்பிலை சின்ன வெங்காயம் சேர்த்து வதக்கவும்.

இஞ்சி பூண்டு பேஸ்ட் சேர்த்து நன்றாக வதக்கி அதோடு தக்காளி சேர்த்து வதக்கவும். பின் கழுவி வைத்த குடலை அதோடு சுருள சுருள வதக்கவும்.

அதோடு தேவையான அளவு உப்பு சேர்த்து 3 ஸ்பூன் மிளகாய்த்தூள், 2ஸ்பூன் மல்லி தூள், சேர்த்து வதக்கவும்.

கரைத்து வைத்த புளியை அதில் ஊற்றவும். பின் தேங்காய் விழுதை சேர்த்து தேவையான அளவு தண்ணீர் சேர்த்து குக்கரை மூடி 7 விசில் வைக்கவும்.