முதலில் ஒரு வாழைப் பூவை 6 மடல் உறுத்து பூவில் நரம்பு எடுத்து, சுத்தம் செய்து ஒரு பாத்திரத்தில் தண்ணீர் ஊற்றி உப்பு, மஞ்சள்தூள் சேர்த்து வாழைப்பூ அதில் போடவும். பின் குழம்பு வைக்க தேவையான பொருளை எடுத்து எலுமிச்சை அளவு புளி எடுத்து கொள்ளவும்.

அதில் தண்ணீரை ஊற்றி புளிக்கரைசல் எடுத்து, ஒரு மிக்ஸி ஜாரில் கால் மூடி தேங்காய்த் துருவல் எடுத்து அரை ஸ்பூன் சோம்பு போடவும்.

தேங்காய் விழுதை எடுத்துக்கொண்டு, அடுப்பில் ஒரு கடாயை வைத்து எண்ணெய் ஊற்றி காய்ந்தவுடன், அரை ஸ்பூன் சோம்பு சேர்க்கவும்.

அதோடு அரை ஸ்பூன் வெந்தயம் சிறிதளவு கருவேப்பிலை போட்டு தாளித்து இரண்டு பச்சை மிளகாய் சேர்க்கவும்.

8 பூண்டு பல் சேர்த்து, 8 சின்ன வெங்காயம், தக்காளி சேர்த்து நன்றாக வதக்கவும்.

அதோடு தேவையான அளவு உப்பு சேர்த்து, இரண்டு ஸ்பூன் மல்லித் தூள், 2 ஸ்பூன் மிளகாய்த்தூள், சேர்த்து வதக்கவும்.

புளிக்கரைசலை ஊற்றவும்.ஒரு கொதி வந்தவுடன் வாழைப்பூவை சேர்த்து, அதில் அரைத்த தேங்காய் விழுதை ஊற்றவும்.20 நிமிடம் அடுப்பை குறைவான தீயில் வைத்து குழம்பை கொதிக்க விடவும்.