உருளைக்கிழங்கை வேகவைத்து தோல் உரித்து மசித்துக் கொள்ளவும்.

அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி காய்ந்ததும் கடுகு, உளுத்தம்பருப்பு போட்டு தாளிக்கவும். பிறகு பொடியாக நறுக்கிய வெங்காயம்,பச்சை மிளகாய் போட்டு வதக்கவும்.

பிறகு கொத்தமல்லி இலை,மஞ்சள்தூள், தேவையான அளவு உப்பு போட்டு ஒரு நிமிடம் வதக்கவும். பிறகு மசித்த உருளைக்கிழங்கை போட்டு ஒரு நிமிடம் வதக்கவும்.

பிறகு அவற்றை ஆறவைத்து சின்ன சின்ன உருண்டைகளாக உருட்டி கொள்ளவும்.

ஒரு பாத்திரத்தில் கடலைமாவு, அரிசி மாவு, பெருங்காயத்தூள், சோம்புத்தூள், மிளகாய்த்தூள், தேவையான அளவு உப்பு போட்டு பஜ்ஜி மாவு பதத்திற்கு கரைத்துக் கொள்ளவும்.

அடுப்பில் ஒரு கடாயை வைத்து பொரிக்க தேவையான அளவு எண்ணெய் ஊற்றி காய்ந்ததும் உருட்டி வைத்த உருளைக்கிழங்கு மசாலாவை கடலைமாவில் முக்கி எடுத்து எண்ணெயில் போட்டு பிரித்தெடுக்கவும்.