மீனை சுத்தம் செய்து எடுத்துக்கொள்ளவும். புளியை தண்ணீரில் ஊற வைக்கவும்.

அடுப்பில் ஒரு கடாயை வைத்து மூன்று ஸ்பூன் நல்லெண்ணெய் ஊற்றி சூடானதும் வெந்தயம், சோம்பு போட்டு தாளிக்கவும். பிறகு பொடியாக நறுக்கிய சின்ன வெங்காயம், பூண்டு பல், கறிவேப்பிலை, பச்சை மிளகாய் போட்டு வதக்கவும்.

வெங்காயம் நன்கு வதங்கியதும் பொடியாக நறுக்கிய தக்காளியை போட்டு தேவையான அளவு உப்பு போட்டு வதக்கவும்.

தக்காளி நன்கு வதங்கியதும் ஊற வைத்த புளியை கரைத்து புளிக்கரைசலை அதில் ஊற்றவும்.

பிறகு அதில் மிளகாய் தூள், மஞ்சள் தூள், மல்லி தூள் போட்டு 2 நிமிடம் கொதிக்க விடவும்.

குழம்பு ஒரு கொதி வந்தவுடன் சுத்தம் செய்து வைத்த மீன் துண்டுகளை அதில் போட்டு 10 நிமிடம் கொதிக்க விடவும்

பிறகு அடுப்பை 2 நிமிடம் சிம்மில் வைத்து பிறகு பரிமாறவும். சுவையான மீன் குழம்பு தயார்.