काकडीची सालं काढून किसून घ्यायची. त्याचे सुटलेले पाणी ‌पण ठेवायचे आहे. गुळ बारीक चिरून घ्यावा. रवा २ चमचे तूप घालून चांगला भाजून घ्यावा.

कढई मधे काकडीचा कीस पाण्यासकट घालून त्यात बारीक चिरलेला गुळ घालून मिक्स करायचे. आणि त्यातले पाणी थोडे आटवून घ्यायचे.

मग त्यात जायफळ पूड घालून मिक्स करुन, भाजलेला रवा आणि काजूचे तुकडे घालून मिक्स करावे आणि मग ओलं खोबरं घालून मिक्स करुन चांगले परतावे.

नंतर एका जाड बुडाच्या पातेल्यात तळाला तुप घालून त्यात काकडीचे मिश्रण अगदी दाबून भरावे. गरम असल्यामुळे एका वाटीच्या बाहेरील बाजूस तुप लावून वाटीने मिश्रण दाबून बसवावे. मग मंद गॅसवर तवा ठेवून त्यावर ते भांडे झाकून २० ते २५ ठेवावे. धोंडस तयार होताना छान खरपूस सुगंध दरवळत असतो.

झाकण काढून टुथपिकने किंवा सुरीने जरा टोचून बघावे. जर कच्चे राहिले असेल तर अजून ५ मिनिटे झाकून ठेवावे. झाल्यावर एका प्लेटमधे काढून घ्यावे. मस्त खरपुस धोंडस तयार आहे. अगदी केक सारखाच दिसतो.