प्रथम रव्यामध्ये चिमुटभर मीठ आणि कडकडीत तुपाचे मोहन घालून (रव्याचा हाताने मुटका होईल इतपत) पाण्याने घट्ट भिजवून झाकून 2 तास ठेवून द्यावा.तीळ भाजून घ्यावे व कूट करून गूळ मिक्स करून विलायची पुड व चारोळी घालून छान मिक्स करून ठेवायचे.

आता रव्याचा गोळा मिक्सरमध्ये फीरवून मऊ करून घ्यावा.दोन गोळे वेगळे करून केशरी व हीरवा कलर मिक्स करून घ्यावा.एका वाटीत थोडे तुप व 1टीस्पून काॅर्नल्फोअर मिक्स करून साटा तयार करून ठेवावे.पांढर्‍या,केशरी व हिरव्या गोळ्याच्या पोळ्या लाटून घ्यायच्या.प्रथम हिरव्या पोळीला पुर्ण सगळीकडे साटा लावून त्यावर पांढरी पोळी साटा लावून ठेवावी,त्यावर केशरी पोळी साटा लावून ठेवायची.
तीनही पोळ्यांची घट्ट वळकटी करून घ्यावी. त्याचे तुकडे म्हणजेच लाट्या करून घ्यायच्या.

लाट्या पातळ लाटून तीळगूळाचे सारण भरून करंज्या भरून घ्यायच्या.

तुपात तळून घ्यायच्या..

आपल्या तीन मुख्य इंग्रेडियेंटस् पासून बनलेल्या तीन रंगी चवदार करंज्या तयार आहेत.
आपणा सर्वांना स्वातंत्र्यदिनाच्या अनेक हार्दिक शुभकामना..