மசாலா விழுது அரைக்க - கடாயில் எண்ணெய் ஊற்றி, இதில் பூண்டு, இஞ்சி, சீரகம், பெரிய வெங்காயம், பச்சை மிளகாய், வர மிளகாய், முந்திரி பருப்பு சேர்த்து 3 நிமிடம் வதக்கவும். வெங்காயம் வதங்கிய பிறகு தக்காளி சேர்த்து வதங்கியதும், ஆறவிடவும். இதை தண்ணீர் சேர்த்து விழுதாக அரைக்கவும்.

கடாயில் வெண்ணெய், நெய் ஊற்றி, மஞ்சள் தூள், மிளகாய் தூள் போடவும். அடுத்து இதில் அரைத்த மசாலா விழுது, சிறிதளவு தண்ணீர் சேர்த்து 10 நிமிடம் குறைந்த தீயில் கொதிக்கவிடவும். பின் இதில் சர்க்கரை, கரம் மசாலா தூள், சேர்த்து கிளறவும். உப்பு தேவையான அளவு சேர்க்கவும்.

மசாலாவில் 200 கிராம் பன்னீர்'ரை சேர்க்கவும். பின், நறுக்கிய குடைமிளகாய் மற்றும் சிறிதளவு கசூரி மேத்தி, பிரெஷ் கிரீம் சேர்க்கவும். கடாயை மூடி 5 நிமிடம் கொதிக்கவிடவும்.

இறுதியாக இதில் நறுக்கிய கொத்தமல்லி இலை சேர்க்கவும்.
ரெஸ்டாரண்ட் ஸ்டைல் பன்னீர் கிரேவி தயார். இதனை சப்பாத்தி, புலாவ், மற்றும் நாணுடன் பரிமாறவும்....