प्रसादाच्या शिऱ्याची सर्व पूर्वतयारी करून घ्यावी.

गँसवर कढई तापत ठेवून त्यात मोजून घेतलेले तूप घालावे.गरम होऊ द्यावे.त्यावर बारीक रवा घालावा.रवा छान गुलाबीसर रंग येईपर्यंत भाजावा.

केळ्याचे पातळ काप करुन घ्यावेत.ते रवा भाजत आल्यावर घालावेत.अजून 5-7मिनिटे रवा, केळी एकजीव होईपर्यंत भाजावा.मंद सुवास दरवळू लागेल. आता त्यावर दूध घालावे व भरभर हलवावे.गाठी होऊ देऊ नयेत.वाटल्यास अजून थोडे दूध रवा शिजण्यापुरते घालावे.म्हणजे शिरा मऊ होतो.

या मिश्रणात साखर घालावी. व चांगले हलवावे.साखर विरघळली की गाठी झाऱ्याने मोडाव्यात.

काजू-बदाम यांची पावडर करुन घ्यावी.

काजूबदाम पावडर शिऱ्यावर घालावी.वेलचीपूड,बेदाणे व केशर घालावे.शिरा व्यवस्थित हलवून झाकण घालावे व वाफ येऊ द्यावी.5मिनिटांनी झाकण काढून पुन्हा हलवावे.प्रसाद शिरा तयार आहे.