نغسل الفلفل الحلو والطماطم ونشفهم مليح نذهنهم بالزيت وندخلهم الفرن نشعل عليهم من فوق ونخليهم يحمارو كل شوية نقلبهم في الاخير نحطهم في ساشي كي يعرقو نحي الطبقة لي من فوق نقطعهم قطع صغيرة.

في مقلة ندير فيها ملعقتين زيت ونحط فيها الفلفل والطماطم والملح والفلفل اسود ونخليهم يطيبو شوية نطفي ونقدم الحميص تاعي بزيت زيتون.

الفلفل كي تذهنيه وتشويه في الفرن يجي بنين بزاف وقشرتو تتنحا ليه ليه وزيد اقتصاد في الزيت. و أيضا تقدري تقدمي الفلفل وحدو مع فريت كأنو مقلي.