نبل كسكسي انتاعي ونخليه يتقطر مليح

نحضر مكونات كامل نقطع لبصل وطماطم في انااء نهرس الثوم وفلفل ونزيدلهم البصل وطماطم الحب وطماطم المصبرة

نشعل النار على القدرة انتاعي فيها الماء وندير كسكسي يفور تفويرة الاولة لمدة نصف ساعة اذا كان انتاع سوق اما اذا كان مفتول في دار يكفيه مدة عشرة دقائق.

كي نهبط كسكسي في قسعة نحكحكه بهذييك الدرسة يالي حضرتها ونديرلها الزيت

ونرجعوه لكسكاس ومن فوق نديروله الشحمة لمقطعة كي تذوب الشحمة يالي لفوق نعرفوه طاب نهبطوه من الكسكاس للقسعة نضيف الزيت الزيتون حسب الرغبة او اذا كان متوفر