સૌપ્રથમ પૌંઆને બેથી ત્રણ વાર પાણીથી ધોઈ ચારણીમાં કાઢી લેવા. અને બીજી સામગ્રીની તૈયારી કરી લેવી. પૌવા માં લીંબુ નો રસ ઉમેરી લેવો.

કડાઈમાં તેલ મૂકી શીંગદાણા ને પહેલા તળી વાટકામાં લઈ લેવા. હવે એજ તેલમાં રાઈ, લીમડો અને મરચાનો વઘાર કરી બટેકા ઉમેરી સાંતળો. બટેકા ચડી જાય પછી ટામેટા અને મીઠું ઉમેરી સાંતળવા.

ટામેટાં ચઢી જાય એટલે તેમાં હળદર અને લાલ મરચું પાઉડર ઉમેરી મિક્સ કરી પૌઆ અને શીંગદાણા ઉમેરી બરાબર મિક્સ કરી લેવું. સ્વાદ પ્રમાણે મીઠું પણ ઉમેરી લેવું. પૌવા થઇ જાય એટલે તેમાં કોથમીર ઉમેરી ગેસ બંધ કરી દેવો.

હવે સર્વિંગ પ્લેટમાં બટાકા પૌવા લઈ તેમાં ચાટ મસાલો, સેવ, કાંદા, બીટ અને કોથમીર થી ગાર્નીશ કરી ગરમ ગરમ સર્વ કરવા.