முதலில் 100 கிராம் ரவையை ஒரு பவுலில் போட்டு அதில் 50 மில்லி தண்ணீர் சேர்த்து நன்கு கலந்து இரண்டு நிமிடம் மூடி போட்டு ஊற வைத்துக் கொள்ளவும்

ஊறிய பிறகு ஒரு வாணலியில் 150 மில்லி தண்ணீரை சேர்த்து கொள்ளவும். தண்ணீர் சூடான பிறகு அதில் 100 கிராம் சர்க்கரையை சேர்த்து கொள்ளவும். சர்க்கரையை கிளறி விடக்கூடாது சர்க்கரை
தானாகவே கரைந்து வரும் வரை காத்திருக்கவும்.

சர்க்கரை கரைந்த பிறகு அதில் இடித்த 2 ஏலக்காய், ஒரு சிட்டிகை மஞ்சள் நிற கலர் சேர்த்து நன்கு கலந்து கொள்ளவும்.

கலந்த பிறகு ஊறிய ரவையை சர்க்கரை தண்ணீரில் சேர்த்து கரண்டியால் மசித்து விடவும். நன்கு மசித்து விடாமல் ஆங்காங்கே சிறு சிறு கட்டிகள் இருக்கும் மாறு கரண்டியால் மசித்துக் கொள்ளவும்.

குறிப்பு
ஆங்காங்கே கட்டிகள் இருப்பது போல் கிளறிக் கொள்ள வேண்டும். இப்படி கிளறினால் லட்டு சாப்பிடுவது போல் இருக்கும்.ஆங்காங்கே சிறுசிறு கட்டிகள் இருப்பதால் நீங்கள் முந்திரி திராட்சை எதுவும் சேர்க்கத் தேவையில்லை

கட்டிகளை மசித்த பிறகு அது ஒரு அல்வா பதத்திற்கு வரும். அல்வா பதத்திற்கு வந்த பிறகு இரண்டு நிமிடத்தில் வாணலில் ஒட்டாத அளவுக்கு உருண்டு திரண்டு வரும்.அப்பொழுது அடுப்பை அணைத்து கொள்ளவும்.இது சரியான பதமாக இருக்கும். படம் 2 ல் உள்ளது போல் உருண்டு திரண்டு வரும்

அடுப்பை அணைத்த பிறகு அதை ஒரு பௌலில் போட்டு இரண்டு நிமிடம் ஆற வைத்துக் கொள்ளவும்.ஆறியதும் லட்டு பிடித்து கொள்ளவும்.