सगळ्यात अगोदर लाडू साठी जी डाळ घेणार आहोत ती कढईमध्ये मंद गॅसवर दहा मिनिट
रंग न बदलता भाजून घेणे.आणि घरीच मिक्सर वरती किंवा गिरणीतून थोडेसे जाडसर दळून आणणे.आणि लागणारे साहित्य जमऊन घेणे.

आता पीठ चाळून घेणे. कढई गरम करायला ठेवणे त्यामध्ये थोडेसे तूप घालून गरम करून घेणे आता त्यात सर्व बेसन पीठ घालून मंद गॅस वरती पीठ सतत हलवत भाजून घेणे.

आता बेसानाने पूर्ण तूप शोसले की आजून तूप घालने.बेसन आपल्याला तळापासून सतत हलवत अगदी मंद गॅस वरती भाजायचे आहे.कमीत कमी पाऊण तास ते 1 तास लागतो.थोड्या वेळाने बेसन सैलसर होते आनी तूप सोडू लागते.

बेसन तूप सोडू लागले की या तुपामध्ये बेसन छान खमंग वास येईपर्यंत आणि रंग गुलाबी येईपर्यंत आपल्याला बेसन भाजायचे आहे. बेसन छान भाजले की बेसन हाताला हलके लागायला लागते.

आता या पिठामध्ये पाऊण कप दूध घालून बेसन छान पटपट हलवून घेणे आता बेसन पूर्ण फसफसते. फसफसने बंद झाले की गॅस बंद करावा.बेसन छान हलऊन दुसऱ्या भांड्यात काढणे.

आता बेसन थोडे थंड झाले की म्हणजे हाताला चटका बसणार नाही एवढे थंड झाले की त्यामध्ये बुरा साखर छान मिक्स करून घेणे.आणि आपल्याला पाहिजे तशा आकाराचे लाडू वळून घेणे.

हे लाडू फ्रिज मधे न ठेवता बाहेर सुद्धा खूप दिवस टिकतात.