रवा थोडावेळ सुकाच भाजावा, यामुळे रवा हलका होतो. मग त्यात थोडं थोडं तुप घालून मंद आचेवर खरपूस भाजून घ्यावा.‌ मग त्यात ओलं खोबरं घालून परत ५ मिनिटे रवा खोबरं मिश्रण परतावे. खरपूस भाजल्या मुळे लाडवाची चव खूप छान खमंग येते. मग त्यात वेलची पूड घालून मिक्स करावे.

कढईमधे साखरेच्या अर्धं पाणी घालून ढवळत ढवळत एक तारी पाक करावा. कढईमधला साखरेचा फेस येणं थांबलं की मग गॅस बंद करावा. पाकाचा एक थेंब जरा ‌गार करुन दोन बोटांच्या चिमटीत थेंबभर पाक धरुन बघावे. पाकाला एक बारीक तार येऊ लागल्यावर आपला पाक झाला आहे.

साखरेच्या पाकात खरपूस भाजलेला रवा घालून पटापट ढवळावे,‌ नाही तर मिश्रण‌ सुके होते. जर मिश्रण जास्त सुकं झालं तर थोडसं पाणी शिंपडून मिश्रण एकत्र करावे.