प्रथम सांजोरी चे सारण तयार करण्यासाठी गॅस वर पॅन मध्ये तुपावर रवा भाजून घेतला. मग तो एका डिशमध्ये काढून परत थोड्या तुपावर खवा परतून घेतला.

दोन्ही गोष्टी थंड झाल्यावर त्यामध्ये त्यामध्ये पिठीसाखर व वेलची-जायफळ पूड मिक्स केली आणि गरजेनुसार थोडे निरस दूध घालून मिश्रण ६-७ तास झाकून ठेवले. दूध साधारण मिश्रण ओलसर होईल इतपत लागते.

आता कव्हर करण्यासाठी एका पराती मध्ये रवा मैदा चाळून घेतले. त्यात कॉर्नफ्लोअर, थोडंसं मीठ व तुपाचे मोहन घालून चांगलं मळून घेतलं. मग त्यात गरजेनुसार दूध घालून थोडा सॉफ्ट तयार केला. व तो फूड प्रोसेसर मधून काढून घेतला. म्हणजे कव्हर छान होते.

आता सारणाचे मिश्रण चांगले एकजीव करून त्याचे लहान लहान लाडू सारखे गोळे बनवले. मग त्याच मापाचे मैद्याचे गोळे बनवून त्यातील एक गोळा घेतला व तो लाटून त्यात वरील सारणाचा गोळा स्टफ केला व सांजोरी लाटून घेतली.

आता सांजोऱ्या लाटून झाल्यावर त्या गॅस वरील गरम तुपात मध्यम आचेवर खरपूस तळून घेतल्या व डीश मध्ये ठेवून साजूक तुपाबरोबर सर्व्ह केल्या.

सांजोऱ्या खूपच टेस्टी व खुसखुशीत होतात.