सर्वप्रथम बेसन चाळणीने चाळून घ्यावे. नंतर मिक्सरच्या पॉटमध्ये ओवा, जीरे, मिरे यांचा बारीक मसाला पावडर तयार करून घ्यावा. व बारीक चाळणीने चाळून घ्यावा.

चाळून घेतलेला बेसना मध्ये चवीनुसार तिखट-मीठ, तयार केलेली मसाला पावडर, किंचीत हळद (ऑप्शनल) व कडकडीत गरम केलेले तेल घालून बेसन हाताने चोळून चोळून चांगले मिक्स करून घ्यावे.

आठ ते दहा लसणाच्या पाकळ्या मिक्सरच्या पॉटमध्ये घालून बारीक पेस्ट करून घ्यावी व त्यातच थोडे पाणी घालून चाळणीने हे पाणी गाळून घ्यावे. व हे पाणी चोळून घेतलेल्या बेसनामध्ये घालावे. चांगले मिक्स करावे. नंतर आवश्यकतेनुसार थोडे थोडे पाणी घालून बेसनाचा गोळा करून घ्यावा.

मळलेल्या गोळ्याचे लंब गोलाकार गोळा करून शेव पाडणाऱ्या साच्यात भरून घ्यावे व गरम तेलामध्ये मध्यम आचेवरती हे शेव दोन्ही बाजूने तळून घ्यावेत.