સૌ પહેલા ખજૂર માંથી ઠળિયા કાઢી લો. ત્યારબાદ ગુંદર ને અધકચરો ખાંડી લો.

હવે ગેસ પર કડાઈ મૂકી ઘી ગરમ કરી ગુંદર તળી લો. ત્યારબાદ ગુંદર સાઈડ પર મૂકી દો.

હવે એ જ ગરમ ઘી માં ખજૂર પણ સાંતળો. ચમચા વડે ખજૂર દબાવતા રહો જેથી ખજૂર ભાંગી જશે. ૨ થી ૩ મિનિટ આમ હલાવ્યા કરી ખજૂર એકદમ સરસ સાંતળી લેવી.

હવે તેમાં તડેલો ગુંદર નાખી દો. ત્યારબાદ કાજુ બદામ ના ટુકડા નાખી દો.ત્યારબાદ ૧ મોટી ચમચી કોપરા નું ખમણ નાખી બરાબર હલાવી લો.

હવે ૧ થી ૨ મિનિટ માટે બધું મિશ્રણ હલાવી બરાબર સેકાવા દો.

હવે ગેસ બંધ કરી લો. મિશ્રણ થોડું ઠંડુ પડે એટલે હાથ પર ઘી લગાવી નાના નાના લાડુ વાળી લો.

હવે બધા લાડુ ને સૂકા કોપરા ના ખમણ માં રગદોડી લો.

તો તૈયાર છે એકદમ હેલ્ધી એવા ખજૂર ના લાડુ.