முதலில் ஒரு மிக்ஸி ஜாரில் 3 ஸ்பூன் சீரகம், ஒரு ஸ்பூன் மிளகு, கால் ஸ்பூன் மஞ்சள் தூள் சேர்த்து அரைத்து கொள்ளவும்

அரைத்த பிறகு அதை ஒரு தட்டில் மாற்றி வைத்து கொள்ளவும்.

மாற்றிய பிறகு, மற்றொரு பௌலில் 3 முட்டையை உடைத்து ஊற்றி,நன்கு கலந்து கொள்ளவும்.கலந்த பிறகு அதில் அரைத்த சீரகம் மிளகு மஞ்சள் பொடியை சேர்த்து நன்கு கலந்து கொள்ளவும்.

அடுத்து, கடாயில் மூன்று ஸ்பூன் எண்ணெய் ஊற்றி,எண்ணெய் காய்ந்ததும்,அதில் தேவையான அளவு கடுகு, உளுத்தம்பருப்பு சேர்த்து வதக்கவும்.

பின் பொடியாக நறுக்கிய பூண்டு, வெங்காயம்,கறிவேப்பிலை, சிறிதளவு,உப்பு சேர்த்து நன்கு வதக்கவும்.

வதங்கிய பின்னர் கலந்து வைத்த முட்டை சீரக கலவையை ஊற்றி கொள்ளவும். ஊற்றிய பிறகு ஒரு நிமிடம் கழித்து கிளறி விடவும். கிளறி பிறகு ஒரு நிமிடம் கழித்து அடுப்பை அணைத்து கொள்ளவும்.

சுவையான சீரக முட்டை பொரியல் தயார்.கடைசியாக கொத்தமல்லி இலை தூவி பரிமாறவும்.