اولا نحضر العجين، نخلط السميد مع الفرينة والملح ونجمع بالماء وندلك العجينة مليح ثم نغطيها ونخليها ترتاح

بما انو العجينة ترتاح، نحضرو الحشوة، نقطع البصل مربعات، نقليه، كيذبل نضيفلو الفلفل الحلو والحار ونضيف الملح ونخليهم يتقلاو اكيد في الزيت، بصح ما نكثروش بزاف البصل والفلفل يطلقو الماء

نرابي طماطم نخلطها مع الطماطم المصبرة والهريسة لي ما يحبهمش حارين بزاف يستغني عن الهريسة وينقص الفلفل الحار ونضيفوهم للبصل والفلفل بعد ما طابو ونحرك، كيطيبو نطفي ونخليها تبرد باش نخدم بيها

بعدما ارتاحت العجينة، نشكلها كريات، نمسحهم بزيت ونغطيهم ونبدا نخدم بالوحدة ونفتح العجينة رقيقة

ونضع الحشو شاهدو الصور، نغلق العجينة ونعيد فتحها قليلا باليد

هكذا مثل الصور ونطيبهم مباشرة

وشهية طيبة للجميع