मटण साफ करून, धुवून त्याला आलं लसूण, मीठ आणि हळद लावून मॅरीनेट करण्यासाठी ठेवावे.

कुकर मधे तेल घालून त्यात बारीक चिरलेला कांदा घालून ब्राऊन होईपर्यंत परतून त्यावर मॅरीनेट केलेलं मटण घालून जरा परतून कांदा लसूण मसाला घालून परतून मग पाणी घालून शिजवून घ्यावे.

लहान कढईमधे तेलावर थोडा कांदा घालून परतून त्यात सुकं खोबरं आणि ओलं खोबरं घालून छान ब्राऊन होईपर्यंत खरपूस भाजून घ्यावे. आणि गार झाल्यावर मिक्सरमधून बारीक वाटून घ्यावे.

शिजवलेल्या मटणामधे कांदा खोबर्याचे वाटण घालून चांगली उकळी आल्यावर गॅस बंद करावा. छान मटणाचा तांबडा रस्सा तयार होतो.

मटणाचा तांबडा रस्सा भाकरी, चपाती, ब्रेड, भात कशाबरोबर पण खायला खूप छान लागतो.