نحكم السميد نبسه بالزبدة وزيت ونضيفله السكر والملح ونغطيه ونخليه يتشرب ساعتين او ٣ ساعات

منبعد نحكم نفس الغرفية نعمر ماء وماء الزهر ونضيف عطر الزهر ونبقى نشمخ غير بالشوي تع السميد بأطراف الأصابع ونشكل حربوش وندير ساقية في الوسط وندير بودان تع التمر ونغلق ونخرج الهواء ونحربله جيداً كتشوفيه منحلش عرفي بلي راه داي حقه تع الماء

نحربل ونقطع مقيرظات بدون طابع ونستف كنخدم شوي نسخن الزيت ونقلي على نار متوسطة ومباشرة نرميه في عسل تقيل ونخليه يتشرب جيداً عاد نديره في كسكاس يقطر وبالصحة