प्रथम कोबी, गाजर खिसुन घ्या. वाटाणा वाफवून घ्या. एका बाउल मध्ये या सर्व भाज्या घेऊन त्यात डाळीचे, तांदळाचे पीठ, मीठ, वाटलेली मिरची, थोडेसे लाल तिखट, मिरे पावडर, कसुरी मेथी घालून मिश्रण एकजीव करून झाकून बाजूला ठेवा.

ग्रेव्ही साठी. कढई मध्ये तेल घाला त्यात कांदे, मगज बी, टोमॅटो लसूण पाकळ्या, कसुरी मेथी, जीरे घालून चांगले परतून थोडे पाणी घालून शिजवून घ्या आणि थंड झाले कि मिक्सर ला वाटून ग्रेव्ही करून घ्या.

आता कढई मध्ये तेल घेऊन वरील ग्रेव्ही घाला त्यात लाल तिखट, किचन किंग मसाला, गरम मसाला घाला, थोडे दही घालून तेल सुटेपर्यंत शिजवा. आता गरम पाणी घाला आणि मीठ घालून ग्रेव्ही ला उकळी येऊ द्या.

दुसऱ्या बाजूला कोफ्ते तळून घ्या. आणि ग्रेव्ही मध्ये घाला. तडका पॅन मध्ये तेल घेऊन मोहरी, हिंग, मिरच्या तडतडून ग्रेव्ही वर घालून झाकून ठेवा. मस्त अशी व्हेज कोफ्ता करी तयार आहे.