એક વાસણ માં 3/4કપ પાણી લઇ ખાંડ, લીંબુના ફૂલ અને હળદર ઉમેરી મિક્સ કરી લો.

હવે એમાં 1ટેબલસ્પૂન તેલ ઉમેરી મિક્સ કરો. ત્યારબાદ હિંગ અને મીઠું ઉમેરી બરાબર મિક્સ કરો.

હવે આ મિશ્રણ માં ચાળેલું બેસન ઉમેરી મિક્સ કરી. 1/4 કપ પાણી ઉમેરી હલાવો.

ઢોકળાંના કુકર માં પાણી ગરમ કરવા મૂકો. ઢોકળાંની થાળીને તેલ થી ગ્રીસ કરી લો.

બેસનના મિશ્રણમાં છેલ્લે ઇનો ઉમેરી બરાબર હલાવી થાળીમાં ફેલાવી કુકર માં 10મિનિટ બાફી લો.

વઘારીયા માં 4 ટેબલસ્પૂન તેલ લઇ ગરમ થાય એટલે રાઈ ઉમેરો. રાઈ તતડે એટલે મરચાં ના ટૂકડા અને લીમડાનાં પાન ઉમેરો. 1 ટી સ્પૂન ખાંડ અને 1/4પાણી ઉમેરી વઘાર તૈયાર કરો.

ઢોકળાનું કુકર ઠંડુ થાય એટલે થાળી બહાર કાઢી ખમણ કટ કરી ને વઘાર ઉમેરી સર્વ કરો.