العجينة:نخلط الماء البارد مع الحليب البارد وخميرة سكر نخلط نخليه 10د ونضيفلوا الملح زيت الزيتون البيض ونخلط ونضيف الفرينة نتركها ساءلة تتلاسق نتركها تخمر قدر المستطاع من 2ساعات فما فوق. عند ناتي بحلها نكمل الفرينة ثم نحلها بالسميد الرطب.

طريقة التحضير في سينية 30/40سم ندهنها بزيت نباتي ثم نشعل الفرن من قبل نصف ساعةفي درجة عالية. نحكم العجينة نحلها بالسميد وتكون رقيقة نوعا ما نمشيها قد السينية (الا درتي كاس حليب كاس ماء تخرجلي 2سينيات اقسمي العجينة الى 2 بشرط كيلي بالباطة تع لاموطارد كما في الصورة) ثم اتقبيها شوية برك بالفرشيطة احكمي حبة فرماج اقسمي الوسط نضع الصلصة الحمراء من جهة عليها فلفل حلو مقطع شراءح وجبن مبشور وزيتون. من الجهة التانية نضع الصلصة البيضاء مع كمبار زيتون اسود مع جبن مبشور.

ثم نتركها نصف ساعة تخمر. وندخلها الفرن في الطبق الثاني قبل الاخير ونقوي للنار حوالي 8/10د تكون جاهزة. نخرجها نرشها كامل بزيت الزيتون جهة الصلصة الحمراء نرش عليها معدونس ومايونيز ان امكن. وجهة الصلصة البيضاء نرش الزعيترة.
وشهية طيبة 😘😘😘