بسم الله الرحمن الرحيم:

نحضر الشربات لتبرد.

نخلط الماء +السكر و شريحة اليمون نحطهم فوق نار متوسطة بعد الغلية نحسب 5 د و نطفي النار كي يبرد شوية نضيف ماء الزهر و نخليه يبرد تماما.

بالنسبة لعجينة قلب اللوز :

في طاس تاع الميكسار نحط :
الماء +ماء الزهر + الزيت + السكر + الفانيلا و نميكسي أو نخلط الكل حتى يذوب السكر تماما.

لي ما عندهاش الميكسار : تدفي شوية الماء و تضيف عليه بقية المكونات و تحرك بالخلاط اليدوي حتى يذوب السكر تماما.

في أناء نحط السميد الخشن +رشة الملح و نحرك ثم نضيف عليه الخليط السائل نغطيه و نخليه يرتاح نصف ساعة ثم نعاود نحركو.

و نحطو في ليمول أو صينية مدهونة بالزيت. أنا خدمت كمية قليلة فحطيت في ليمول تاع 6 بعشرين ألف.
نسوي السطح بملعقة مبللة و نزينها بكوكاو.

الطهي 18ج درجة حتى تتحمر من الاسفل ، في نصف الطياب ندهنها بزبدة او سمن و نزيد نطيبها حتى تتحمر مليح من الاطراف.

ثم نطيبها و نحمرها على السطح.و هي ساخنة نخرجها و نسقيها بالشاربات بارد.و نخليها ترتاح داخل الفرن المطفي.

لازم ترتاح مليح حتى تبرد تماما.
ندخلها الثلاجة ثم نستهلكه بارد.