उकडलेले बटाटे कुस्करून त्यात एक टेबलस्पून अरारुट व चिमुटभर मीठ घालून मऊसर गोळा मळून घ्यावा.

सारण करण्यासाठी कढई मध्ये एक टेबलस्पून तूप गरम करून त्यात आल,मिरची,जीरे यांची पेस्ट परतून घ्यावी. गॅस मंद असावा.

नंतर त्यात ओले खोबरे व साखर मंद आचेवर परतावे. साखर विरघळली की गॅस बंद करून त्यात दाण्याचा कुट,लिंबाचा रस, काजू,बेदाणे व चिमुटभर मीठ घालून मिश्रण व्यवस्थित मिक्स करावे.

उकडलेल्या बटाट्याचा लिंबाएवढा गोळा घेऊन त्याची पारी करावी व त्यात एक टेबलस्पून सारण भरून पारी बंद करावी.

कढई मध्ये तेल गरम करून मध्यम आचेवर सर्व पॅटीस तळून घ्यावे.दही व खोबऱ्याचा चटणी सोबत सर्व्ह करावे.
टीप:पॅटीस तळताना फुटत असतील तर आरारुट मध्ये घोळाऊन घ्यावे व नंतर तेलात घालावे.