સૌ પ્રથમ બટાકાને બાફી લો અને છાલ કાઢીને એને સ્મેશ કરી લો

આંબલી ની મીઠી ચટણી અને કોથમીરની ગ્રીન ચટણી પણ બનાવી લેવી

એક પેનમાં તેલ ગરમ મૂકો તેમાં રાઈના દાણા,જીરું અને હિંગ રાખો સ્મેશ કરેલા બટાકા ઉમેરો તેમાં ગરમ મસાલો સહેજ આમલીની ચટણી,મીઠું અને મરી પાઉડર ઉમેરી બધું બરાબર મિક્સ કરી લો અને બે મિનીટ સાંતળવા દદો અને ગેસ ની ફ્લેમ બંધ કરી દો

સીંગના મસાલાવાળા દાણા, ઝીણી સેવ,ઝીણી સમારેલી ડુંગળી અને દાડમના દાણા પણ અલગથી લઈ લેવા

પાવને વચ્ચેથી કટ કરી લો,પાવની બંને સાઈડ પર લીલી ચટણી અને આમલીની ચટણી લગાવો પછી તેના પર બટાકાનો માવો લગાવો તેના પર ઝીણી ડુંગળી,દાડમના દાણા અને મસાલાવાળી શીંગ પાથરો તેના પર ઝીણી સેવ પાથરો

આ દાબેલી ને બંને સાઈડથી ધીમા તાપે કડક થાય ત્યાં સુધી પેન માં કે તવીમાં બે બટર લગાવી શેકી લો