सर्वात आधी तांदूळ स्वच्छ 3-4 वेळा पाण्याने धुवून घ्यावा.25-30 मिनिटे पाण्यात भिजत ठेवावा.

तोपर्यंत भाज्या धुवून,बारीक चिरुन घ्याव्यात. आलं, लसूण व हिरव्या मिरच्या चिरुन घ्यावे.एका भांड्यात पाणी गरम करत ठेवावे व त्यात मीठ घालून उकळी आणावी. उकळी आल्यावर त्यात धुतलेला तांदूळ घालून शिजवून घ्यावा.

एक पॅन मध्ये तेल गरम करून त्यात चिरलेला लसूण, आलं व मिरच्या घालून छान गुलाबी होईपर्यंत परतून घ्यावे व त्यात गाजर, ढोबळी मिरची घालावी. 2 मिनिटे परतून घ्यावे. नंतर त्यात भात, सोया साॅस व मीठ घालून नीट परतून घ्यावे.

एका कढईत थोडे तेल घालून 2अंडी फोडून घालावी व scramble /भूर्जी करून घ्यावी. किंचित मीठ घालावे व तयार भूर्जी तयार राईस मध्ये घालावे. नीट परतून घ्यावे व गरमागरम सर्व्ह करावे.