સૌપ્રથમ એક ઊંડા વાસણમાં ચણાનો લોટ લઈને તેમાં માપ મુજબ પાણીવાળી છાશ ઉમેરીને બરાબર મિક્ષ કરવું. ગઠ્ઠા ના રહે તેવી રીતે હલાવીને મિક્સ કરીને હળદર અને મીઠું નાખીને ફરી હલાવવું.

હવે ગેસ પર નોનસ્ટિક પેન કે કડાઈ મૂકીને તેમ આ મિશ્રણ રેડીને ધીમા તાપે સતત હલાવતા રહીને ઘટ્ટ થાય ત્યાં સુધી ચઢવા દેવું.ચેક કરવા માટે એક થાળીને ઊંધી બાજુ તેલ થી ગ્રીસ કરીને તેની પર થોડું મિશ્રણ પથરી જોવું.સહેજ ઠંડુ થાય એટલે ખંદ્વિનો રોલ વળે તો થઈ ગયું છે સમજવું, નહીતર કાચું લાગે તો ફરી સહેજ ઘટ્ટ થવા દેવું.ત્યારબાદ ગ્રીસ કરેલી થાળી પર મિશ્રણ પાથરીને ઠંડુ થાય એટલે રોલ વળીને ખન્ડવી કટ કરવી.

હવે આ રોલને એક સર્વિંગ ડિશમાં મૂકી દો.ત્યારબાદ એક વઘરીયમાં તેલ મૂકીને રાઈ નાખો.રાઈ તતડે એટલે હીંગ નાખીને ગેસ બંધ કરી દેવો હવે આ વઘારને ખાંડવી ઉપર બધીજ બાજુ ચમચીથી રેડીને ઉપરથી તલ અને કોથમીર છાંટી દો.લાલ મરચું અને લીલા નાળિયેરનું છીણ પણ ઉપર ભભરાવી શકાય.