வெறும் குக்கரில் பாசிப்பருப்பு சேர்த்து லேசாக சூடு ஏறும் வரை வறுக்கவும். பின் பருப்பை கழுவி குக்கரில் சேர்த்து தேவையான அளவு தண்ணீர் மற்றும் மஞ்சள் தூள் சேர்த்து ஒரு விசில் வேக வைக்கவும்.

வட சட்டியில் எண்ணெய் சேர்த்து கடுகு கருவேப்பிலை சேர்த்து தாளிக்கவும். பொடியாக நறுக்கிய வெங்காயத்தை கண்ணாடி பதத்திற்கு வதக்கவும். கூடவே பச்சை மிளகாய் கீரி சேர்க்கவும். லேசாக வதங்கியதும் தக்காளி விழுதை சேர்த்து கூடவே சாம்பார் தூள் சேர்த்து எண்ணெய் பிரிந்து வரும் வரை வதக்கவும்.

வதங்கிய பின் வேக வைத்த பருப்பு கலவையை சேர்த்து தேவைப்படும் அளவிற்கு தண்ணீர் மற்றும் உப்பு சேர்த்து அதிகமான தீயில் நன்றாக கொதிக்க விடவும். கடைசியில் கொத்தமல்லி இலைகள் தூவி அடுப்பை அணைக்கவும்.