प्रथम एक पॅन घेऊन वरी तांदूळ दोन ते तीन मिनिटे व्यवस्थित भाजून घ्या. त्यानंतर एका भांड्यात पाणी घेऊन त्यामध्ये हे वरी तांदूळ पाच ते सात मिनिटे भिजवून ठेवून द्या. आता पॅनमध्ये तूप घालून प्रथम बेदाणे काजू भाजून घ्या. नंतर त्यामध्ये भिजवलेल्या वरीतील पाणी काढून टाकून ती वरी या तुपामध्ये चांगली भाजून घ्या.

अर्धा कप पाणी चांगले गरम करून त्यामध्ये घाला, नीट मिक्स करून झाकण ठेवून एक ते दोन मिनिटं हे मिश्रण शिजू द्या. त्यानंतर नारळाचे दूध घालून परत हे मिश्रण दोन ते तीन मिनिटं व्यवस्थित झाकण ठेवून शिजवून घ्या म्हणजे वरी नरम होईल. वरी चांगली शिजल्यानंतर त्यामध्ये साखर घालून झाकण न ठेवता परत ते मिश्रण तीन ते चार मिनिटं चांगले शिजू द्या.

सर्वात शेवटी तुमच्या आवडीप्रमाणे वेलची पावडर किंवा केशर वेलची सिरप आणि सर्व ड्रायफ्रूट्स घालून गरम गरम शिरा सर्व्ह करा