مندي باللحم على اصوله لا يفوتكم
عشاء - غداء ( مندي الذ واطعم من مندي المطاعم بمليون مره
مندي باللحم على اصوله لا يفوتكم
عشاء - غداء ( مندي الذ واطعم من مندي المطاعم بمليون مره
إفتح في تطبيق كوكبادالخطوات
- 1
جهزنا المكونات خلاص والا نبدأ
- 2
نسخن سمن فارم في القلاية ونرمي البصل ونحط معا شوية من شعر الزعفران ونقلب ونستنى حتى البصل يذبل ويبدأ يتشقر نحط فنجان فيه قصدير نحط فيه زيت ونحط عليه الفحمه ونغطي عليه عشان نبخر البصل
- 3
نضيف البهارات الصحيحه مع حبة البصله وفصوص الثوم في قدر الضغط ونضيف عليها اللحم ونتركها شوية حتى تبدأ اللحمة تتشقر نضيف عليها ماء عاديه ونضيف مكعب الماجي والبصل المحمر م نضيفو كلو نقسمو نصين نص نضيفو مع اللحم ينطبخ ونص نخليه ونقفل على قدر الضغط حتى تستوي اللحمة
- 4
ننغسل الرز وننقعو ب ماء دافية عبال تستوي اللحمة ، نسوي تتبيلتها نكون منقعين خيوط الزعفران مع ماء الكادي ، في زبدية صغيرة اخذ شوية من سمنة البصل حق ملعقتين واحط ملون الطعام ونص ملعقة كبيرة ملح وفلفل اسود واخلطهم سوا وبعدين احط شوية من ماء الكادي بالزعفران معاهم واتركها حتى تستوي اللحمة اخذ شوية من المرقة واضيفها معا الخلطة
- 5
استوت عندي اللحمة ابدأ اصفيها من المرقه في صينية التحمير اكون حاطه ورق زبدة واحط اللحمة وابدأ اتبلها ب خليط اللحم واحطها بالفرن مسبق التسخين من فوق عشان احمر اللحمة
- 6
اصفي من مرقة اللحم وانقص منها واخذ على حسب حاجتي للرز لانو منقوع محاياخذ مرقة كتير نستخدم مرق المندي للشرب مره لذيذه 👌🏼
- 7
عندي ماء الكادي مع الزعفران احطلها شوية ملون طعام واخلطهم سوا اشوف الرز خلاص قرب يستوي احط ف النص فنجان التبخير تبع الفحم واحفر حفرتين عشان احط ماء الكادي معا الزعفران ب الرز عشان يعطي للرز لون وطعم
- 8
كده يكون اللحمة اتحمرت كمان ابخرها عشان تعطي نكهه ، وعندي الرز استوى اقلبو عشان ياخذ اللون والنكهه
- 9
وبكدا المندي يكون جاهز نغرف الرز ونحط اللحمة فوقو والبصل المحمر ويتقدم بصحه وعافية 🤍
- 10
جربوه حتدعولي اذا م كان الذ مندي واسهل طريقة مندي 😋❤️
- 11
للملاحظة : لو تحبو تحطو مع البصل وهوا يتحمر زبيب يكون الذ ولكن عشان احنا م نفضل الزبيب ف الاكل ف استغنيت عنه 🫣
كلمات ذات صلة
وصفات مشابهة
وصفات ننصحك بمشاهدتها
التعليقات