कढईत तूप गरम करून त्यात डिंक घालून फुलवून घ्या आणि बाजूला काढा. गव्हाचे पीठ तुपावर खमंग भाजून घ्या. (प्रथम कोरडच पीठ भाजा नंतर थोडं थोडं तूप घालून भाजा).

सुकं खोबरं पण थोडं भाजून बाजूला काढा. मेथी थोडी भाजून मिक्सरवर पावडर करा. हालीम थोडे गरम करून बाजूला काढा.

परातीत भाजलेलं गव्हाचं पीठ, मेथीची पूड, हालीम, वेलची-सुंठ-जायफळ पावडर, गुळ बारीक चिरून घाला व हाताने चांगला मळून एकजीव करा. (मी गुळ पावडर अर्धी व साधा गुळ अर्धा बारीक चिरून घातला) मिक्सरमध्ये थोडे थोडे मिश्रण घालून फिरवून घ्या म्हणजे गुळ सर्व मिश्रणात चांगला मिक्स होईल. सर्व फिरवून परातीत काढा.