સૌ પ્રથમ લુઝ બોટમ કેક ટીન લઈ, ગ્રીસ કરી, બટર પેપર લગાવી લો. હવે બિસ્કિટનો બારીક ભૂકો કરી લો અને તેમાં બટર ઉમેરી, બરાબર મિક્સ કરી લો.

હવે આ મિશ્રણને કેક ટીમમાં પાથરી, બરાબર દબાવીને એક લેયર બનાવી લો. હવે તેને પ્રિહિટ ઓવનમાં ૧૬૦ ડીગ્રી તાપમાન પર ૧૦ મિનિટ માટે બેક કરો ત્યારબાદ તેને ઠંડુ કરી લો.

હવે એક બાઉલમાં ક્રીમ ચીઝ અને ખાંડ લઈ ૨-૩ મિનિટ માટે ઇલેક્ટ્રિક બીટરથી બીટ કરો.હવે તેમાં ફ્રેશ ક્રીમ, કન્ડેન્સ્ડ મિલ્ક, યોગર્ટ, કોર્નફ્લોર, વેનીલા એસેન્સ, લીંબુનો રસ ઉમેરી, મિક્સ કરી ફરીથી ૩-૪ મિનિટ માટે બીટ કરો.

આ કેક ટીનના નીચે બટર પેપર અને એલ્યુમિનયમ ફોઈલથી કવર કરી લો જેથી બેક કરતી વખતે બેટર બહાર ના આવે. હવે આ મિશ્રણને બિસ્કિટના લેયર ઉપર પાથરી લો.

હવે એક મોટી ઉંડી ટ્રે લઈ, તેમાં કેક ટીન મૂકી, તેમાં ગરમ પાણી ઉમેરી તેને પ્રીહિટ ઓવનમાં મૂકી ૧૭૦ ડિગ્રી તાપમાને ૫૦ થી ૬૦ મિનિટ માટે બેક કરો.

હવે આ કેકને અનમોલ્ડ કરી, ઉપરથી બ્લુબેરી કમ્પોટ પાથરી, ઠંડુ ઠંડુ તમારા ફ્રેન્ડ સાથે એન્જોય કરો.