هنبشر البصل وبعدين نصفيه وناخد الميه بتاعته بس.. ونضيف ل (ماء البصل) البيض..

نقلب كويس.. وبعدين نضيف التوابل (ملح حسب الرغبة + نص ملعقة صغيرة فلفل اسود + ملعقة صغيرة كمون) ونقلب..

هنحتاج من (نص كوب ل كوب دقيق) هنضيفه يالتدريج مع التقليب..لحد ما نوصل للقوام ده.. انا احتجت كوب الدقيق كامل.. وكدا تبقي التتبيلة جاهزة…

هنفتح مسام البوفتيك بالمدق.. وبعدين نضيفه للتبيله.. بعد ما أتبل كل الكمية أضيفها ف صينية او علبة.. ممكن اشيله ف الفريزر.. ولو هنستخدمه ف نفس اليوم يبقي علي الاقل نسيبه ساعتين..

بعد ساعتين.. هخرجه وهضيفله (ملعقتين كبار خل ونقلب) وبعدين ع البقسماط.. ونحمره ف زيت غزير سخن علي نار هادية.. القشرة هتكون ثابتة جداً.. نقلبه علي الجنب التاني بعد ما يتشمع..