கால் கிலோ பச்சைப்பயிறு சுத்தம் செய்து கழுவி ஒரு நாள் அதாவது 24 மணி நேரம் தண்ணீரில் ஊற விடவும். பிறகு ஊற வைத்த பச்சை பயறை தண்ணீர் சுத்தமாக வடித்து எடுத்துக் கொள்ளவும்.இதை ஒரு நல்ல தூண்டில் மூட்டையாக கட்டி ஹாட் பாக்ஸில் மூடி வைக்கவும். மறுநாள் காலை அல்லது மதியத்திற்கு மேல் நன்கு முளைப்பு விட்டிருக்கும். இவற்றை துண்டில் இருந்து எடுத்து ஒரு பாத்திரத்தில் மாற்றிக் கொள்ளவும். தேவையானால் தூள் உப்பு போட்டு கலந்து விடவும். இட்லி பாத்திரத்தில் தண்ணீர் விட்டு கொதிக்க விடவும்.

இட்லி தட்டில் துணி பரப்பி அதன் மேல் பயரை பரவலாக வைத்து 15 நிமிடம் வரை ஆவியில் வேக விடவும். நேரடியாக தண்ணீரில் வேக வைத்தால் முளைப்பு பயிறு கொளகொளவென்று ஆகிவிடும். சத்தும் போய்விடும். ஆதலால் ஆவியில் வேக விடவும். வெந்த பிறகு தட்டில் இருந்து ஒரு பாத்திரத்திற்கு மாற்றி லேசாக எண்ணெய் மேலே ஊற்றி விடவும். ஒன்று டோன்று ஒட்டிக் கொள்ளாது. பிறகு ஒரு வாணலியில் ஒரு டேபிள் ஸ்பூன் எண்ணெய் விட்டு அதில் கடுகு, பச்சை மிளகாய் மட்டும் தாளிக்கவும்.

இதில் ஆரம்பித்த பயறை தூக்கி கொட்டி நன்கு கிளறி விடவும். மிதமான தீயில் கிளறவும். அடுப்பை நிறுத்தி விடவும். பிறகு இதில் கருவேப்பிலை, கொத்தமல்லி, துருவிய கேரட், மற்றும் வெள்ளரிக்காய் துருவல்,எலுமிச்சை சாறு சேர்த்து நன்கு கலந்து விடவும்.