प्रथम बटाटे स्वच्छ धुऊन राईस कुकरमध्ये वाफवण्यास ठेवा. त्याचबरोबर एका डिशमध्ये मटार ठेवा. दहा-पंधरा मिनिटात प्रथम मटार काढून घ्यावेत.

बटाट्याची साले काढून मॅश करा. वाटाणा देखील जाडसर मॅश करा.

तयार मिश्रणाचे गोलाकार लाडू सारखे गोळे तयार करा. जेवढा गोळा असेल त्यापेक्षा जास्त कणकेचा गोळा घ्या. तांदळाची पिठी लावून पुरी लाटून घ्या. त्यात वाटाणा व बटाट्याचा गोळा ठेवून त्याचे तोंड मिटवा. तांदळाची पिठी लावून किंचित जाडसर पराठा लाटा.

गॅसवर तवा तापल्यावर लाटलेला पराठा टाकून दोन्ही बाजू खमंग भाजून त्यावर तूप किंवा तेल टाकून खरपूस भाजून घ्या. सर्व्ह करताना - गरमागरम पराठा, लोणी, दही त्यावर तिखट स्प्रिंकल करून सर्व्ह करा. अतिशय रुचकर प्रोटीन युक्त लुसलुशीत पराठा तयार होतो.

अशा रीतीने मटार बटाट्याचे पराठे तयार केले. तुम्हीही नक्की करून पहा...