चाकवताची भाजी नीट करून स्वच्छ धुऊन चिरून घ्यावी. या भाजीमध्ये अर्धा ग्लास पाणी शेंगदाणे, चणाडाळ घालून शिजवून घ्यावी. भाजीतील शेंगदाणे, डाळ शिजल्याची खात्री करून, भाजी उतरवावी. फोडणीसाठी लसूण ठेचून घ्यावा.

शिजलेली भाजी कुस्करून त्यात शेंगदाण्याचे कुट, बेसन मिक्स करून भाजी छान एकजीव करावी. गॅसवर कढईत आवश्यकतेनुसार तेल गरम करून त्यात जीरे, लसणाची फोडणी करावी व त्यावर भाजी फोडणीला घालावी.

भाजी फोडणीला दिल्यावर चवीनुसार मीठ घालून, ती छान शिजू द्यावी. तयार चाकवताची भाजी ज्वारी, बाजरीच्या भाकरीबरोबर सर्व्ह करावी.