मग एका कढईत तेल घालून ते चांगले गरम झाल्यावर त्यात एक चमचा मोहरी घालून ती चांगली, तडतडल्यावर त्यात 2 मोठे बारीक चिरून घेतलेले कांदे घालून ते चांगले परतून घेतले.

नंतर त्यात 1 छोटा चमचा हळद, 1.5 चमचा लाल तिखट मसाला, 2 टोमॅटो बारीक चिरून घालून, ते सर्व साहित्य चांगले परतून घेतले.

मग त्यात किसून घेतलेले 250 ग्रॅम पनीर घालून ते चांगले परतून घेतले. आणि मंद गॅसवर 4-5 मिनिटे शिजवून घेतले.

5 मिनिटांनी झाकण काढून पनीर भुर्जी मध्ये चवीनुसार मीठ व बारीक चिरून घेतलेली कोथिंबीर घालून, चांगले परतून घेतले. आणि गॅस बंद केला.

आणि आता सर्व्ह करण्यासाठी तयार आहे आपली गरमा गरम पनीर भुर्जी. ही भुर्जी भाकरी बरोबर, चपाती बरोबर खूप सुंदर लागते.