बाजरीचे पीठ आणि कणिक (गव्हाचे पीठ) मिक्स करून घ्यावे. गुळ चिरुन घ्यावा.

बारीक चिरलेला गूळ, तूप आणि दुध मिक्स करून त्याचा पाक करावा. दुध घातल्यामुळे कापण्या खुसखुशीत होतात.

गुळाचा पाक पिठात घालून त्यात वेलची पावडर घालून पीठ घट्टसर मळून घ्यावे. पीठ घट्ट मळल्यामुळे कापण्या तळताना तुटत नाहीत. मळलेला पिठाचा गोळा १५ मिनिटे झाकून ठेवावा.

मळलेल्या पिठाचा एक एक गोळा घेऊन भाकरी थापतो तेवढी जाड लाटून मग कटरच्या सहाय्याने लांबट आकाराच्या कापण्या कापाव्या. गरम तेलामधे खरपूस भाजून घ्याव्या. (कापण्या लाटताना वरुन खसखस लावावी,‌ कापण्या छान दिसतात माझ्या कडे खसखस नव्हती म्हणून मी लावली नाही)