بسم الله اولا في طنجرة ندير شوية زيت وندير البصل والثوم وقطعة دجاج صغيرة ونضيف الملح والتوابل والجزر دوائر ونقليهم مليح ونمرق بماء ساخن ونغطي على القدر.

من جهة نحضر الكروكات في اناء ندير الدجاج المفروم مع البصل المفروم والثوم والملح والتوابل وحبة بيض وملعقة زبدة وملعقة كبيرة شابلور ونخلط مليح ونشكلهم كروكات ونقليهم فالزيت ونضيفهم على المرق.

نزين الصحن بدوائر من البطاطا وندير الجلبانة والكروكات فوسط الصحن ونزين بشريحة ليمون وبالصحة والعافية.