સૌ પ્રથમ દૂધ માથી 1 કપ જેવું દૂધ 2 વાટકી માં અલગ કાઢી લ્યો હવે 1 વાટકીમાં કોર્ન ફ્લોર મિક્સ કરી લો અને બીજી માં મિલ્ક પાવડર મિક્સ કરી લો. હવે બાકી દૂધ એક તપેલીમાં લઈ ગેસ પર ગરમ કરવા મુકો.

હવે દૂધ માં એક ઉભરો આવે એટલે એમાં ગેસ ધીમો કરી મિલ્ક પાવડર વાળું દૂધ ઉમેરી દો સરસ હલાવી મિક્સ કરી લો પછી 1 મિનિટ પછી એમાં ખાંડ ઉમેરી 2 મિનિટ ઉકળવા દો પછી ગેસ ફરી એકદમ ધીમો કરી કોર્ન ફ્લોર વાળું દૂધ ઉમેરી સતત હલાવતા રહો અને દૂધ ઘાટું થાય ત્યાં સુધી થવા દો.

હવે ગેસ બંધ કરી મિશ્રણ એકદમ ઠંડુ થવા દો પછી એક મિક્સરમાં જાર માં કેરી નો પલ્પ લઈ એમાં ઠંડુ કરેલું દૂધ ઉમેરી ગ્રાઈન્ડ કરી લો પછી નાના ગ્લાસ કે કુલ્ફી ના મોલ્ડ માં કુલ્ફી નું બેટર રેડી આખી રાત ફ્રીઝર માં મૂકી દો ગ્લાસ માં કુલ્ફી બનાવવા હોય તો વચ્ચે કોઇ લાકડાની ચમચી કે પટ્ટી લગાવી પછી ફ્રીઝર માં સેટ થવા મૂકવી. પછી સેટ થયેલી કુલ્ફી મોલ્ડ માથી કાઢી સર્વ કરો.