बटाटे साल काढण्या इतपत अर्ध कच्चे शिजवून घ्यावेत. त्यानंतर ते तेलात फ्राय करून घ्यावेत. सोनेरी ब्राऊन रंगावर तळून घेतलेले बटाटे बाजूला ठेवावेत.

त्यानंतर 2 चमचे तेलावर कांदा, टोमॅटो, काजू, लसूण, आले भाजून थंड झाल्यावर मिक्सरला बारीक करून घ्यावेत. गरम मसाला शेकून त्याची पावडर करून घ्यावी.

तळलेले बटाटे लाल तिखट व मीठ घालून परतून डिशमध्ये काढून घ्यावेत. पॅनमध्ये आवश्यकतेनुसार तेल घालून तमालपत्र फोडणीला घालावे. त्यानंतर वाटलेले वाटन कडेने तेल सुटेपर्यंत परतावे. दही घालावे, तिखट, गरम मसाला पावडर घालून सर्व एकसारखे परतावे.

मसाला परतल्यावर त्यात बटाटे घालावेत. आवश्यकतेनुसार पाणी घालून शिजू द्यावे. ग्रेव्ही दाटसरच ठेवावी.

तयार "दम आलू" रोटी, नान, चपाती बरोबर सर्व्ह करावे.