સૌ પ્રથમ દૂધ માથી 1 કપ જેવું દૂધ 2 વાટકી માં અલગ કાઢી લ્યો હવે 1 વાટકીમાં કોર્ન ફ્લોર મિક્સ કરી લો અને બીજી માં મિલ્ક પાવડર મિક્સ કરી લો. હવે બાકી દૂધ એક તપેલીમાં લઈ ગેસ પર ગરમ કરવા મુકો.

હવે દૂધ માં એક ઉભરો આવે એટલે એમાં ગેસ ધીમો કરી મિલ્ક પાવડર વાળું દૂધ ઉમેરી દો સરસ હલાવી મિક્સ કરી લો પછી 1 મિનિટ પછી એમાં ખાંડ ઉમેરી 2 મિનિટ ઉકળવા દો પછી ગેસ ફરી એકદમ ધીમો કરી કોર્ન ફ્લોર વાળું દૂધ ઉમેરી સતત હલાવતા રહો અને દૂધ ઘાટું થાય ત્યાં સુધી થવા દો.

હવે ઠંડા કરેલા દૂધ માં ચીકુ, ચોકલેટ, અને કોકો પાવડર ઉમેરી મિક્સરમાં ફેરવી લો હવે એ મિશ્રણને પ્લાસ્ટિક ગ્લાસ માં ભરી ઉપરથી કવર કરી ફ્રીઝર માં 12 કલાક સેટ થવા દો પછી કુલ્ફી ગ્લાસ માથી કાઢી કટ કરી સર્વ કરો.