भोपळ्याची साल,बिया काढून घ्या.. स्वच्छ धुवून बारीक फोडी करून घ्या.. गुळाचे बारीक तुकडे करून घ्यावेत..
गुळ आणि भोपळ्याच्या फोडी कुकरच्या डब्यात ठेऊन पाव कप पाणी घालून (पाणी नाही घातले तरी चालते,पण गुळ डब्यात चिकटून राहतो, म्हणून दोन टेबलस्पून तरी पाणी घालावे) कुकरला लावून चार पाच शिट्या काढून घ्या..

भोपळ्याच्या फोडी मस्त मऊ सुत शिजतात.. थंड झाल्यावर भोपळ्याच्या फोडी मिक्सरच्या भांड्यात घालून मिक्सरमध्ये बारीक वाटून घ्या पाण्याची गरज लागलीच तर गुळाचे पाणी घालावे..

परातीत गव्हाचे पीठ, तांदळाचे पीठ, रवा, मीठ, वेलचीपूड घालून मिक्स करून घ्यावे. भोपळ्याचे वाटलेले मिश्रण आणि गुळाचे पाणी घालून पीठ घट्ट मळून घ्या. दहा मिनिटे झाकून ठेवा

छोट्या आकाराचे गोळे करून पुऱ्या लाटून घ्या किंवा मोठी चपाती लाटून वर तीळ भुरभुरावे व लाटण्याने लाटून नंतर वाटीने पुऱ्या पाडून घ्या.. तेल तापवून मिडीयम गॅसवर दोन्ही बाजूंनी खरपूस तळून घ्या