بسم الله والصلاة والسلام على رسول الله

اولا نحضر صلصلة البيشاميل في كسرونة ندير الزبدة والفرينة يتحمصو مليح ونضيف الحليب ونخلط حتى يثقال الخليط ونضيف الجبن المبشور والجبن الطري رشة ملح ورشة فلفل اسود

في مقلاة ندير شوية زيت ونضيف صدر دجاج مرحي وملح فلفل اسود وتابل الدجاج ونقليه مليح نضيف عليه الزيتون الأخضر مرحي متوسط ونخلط الكل.

بعد ما يبرد الدجاج نضيف البيشاميل ونخلط نخلي الحشو يبرد مليح

نقطع ورقة الديول إلى نصفين وندير الحشو ونشكل على شكل مثلثات اوسيقار حسب الرغبة

نقلي البوراك في زيت ساخن من الجهتين وألف صحة وهنا.