सर्वप्रथम कैरी धुऊन घ्या व नंतर त्याची साल काढून, मधातून कापून बी काढून घ्या.

नंतर एका कुकरमध्ये कैऱ्या टाका व एक कप पाणी घाला व ३ ते ४ शिट्ट्या करून घ्या.

आता शिजलेल्या कैऱ्यांचा गर एका भांड्यात काढून घ्या व थंड होण्यासाठी ठेवा.

आता एका मिक्सरच्या भांड्यात पुदिन्याची पानं व थोडसं पाणी घालून बारीक करून घ्या.

आणि त्यात आता कैरीचा गर, साखर आणि काळ मीठ घाला व परत एकदा बारीक करून घ्या.

आता हा कैरीचा बारीक केलेला गर चाळणी मधून काढून घ्या. म्हणजे आपल्याला मऊ असा गर मिळेल व कचरा निघून जाईल.

आता आईस्क्रीम मोल्ड घेऊन त्यात हे मिश्रण भरून घ्या व त्यात आईस्क्रीम स्टिक टाका. आणि डीप फ्रिजर मध्ये सात ते आठ तास ठेवा.

सात ते आठ तास झाल्यानंतर फ्रिझर मधून कैरीचे पॉपसिकल काढावे व सर्व्ह करावे.

टीप -
कैरी आंबट असल्यास साखर जास्त घालावी.
कुकर नसल्यास कैरीचे काप करून एका गंजामध्ये वीस मिनिटे उकडून घ्यावे.