كسكس بالكيلة مضبوط ضبطا للمبتدئات
#المريول_الذهبي يوم الجمعة اغلب العائلات الجزائرية تطبخ الكسكس للغدا وكل واحد وكيفاش يعملو انا عملتو بالتفاية
كسكس بالكيلة مضبوط ضبطا للمبتدئات
#المريول_الذهبي يوم الجمعة اغلب العائلات الجزائرية تطبخ الكسكس للغدا وكل واحد وكيفاش يعملو انا عملتو بالتفاية
إفتح في تطبيق كوكبادالخطوات
- 1
نبدأ بسم الله نجيب إناء شوي صغير نحط فيه الكسكس (4 كيلات) نديرلو الملح وزيت ونخلط مليح ثم نفرغ عليه الماء الدافي (3 كيلات ولازم كامل حبات الكسكس يتشمخو) نفس الكيل ضروري انا درت كاس تع قهوة ماشي كبير يكفي اربع اشخاص او خمسة ونغطيه ونخليه ربع ساعة
- 2
في هداك الوقت نحط قدرة ندير فيها سمن او زيت والدجاج والبصلة مقطعة على ربعة وحبة طماطم وجزر مقطع بالطول على ربعة ونقلي شوية نزيد طماطم مصبرة وكورجات (كوسا) بطاطا، الحمص وشوية ما ونخليها تتقلا شوية نزيد عود قرفة مغسول حرور زنجبيل وملح ونخليه تزيد تتقلا ثم نمرق عادي
- 3
نرجع للكسكس نحطو في قصعة نحلو بيدي مليح ونديرو فالكسكاس ونحطو فوق القدرة تع الرقة ونخليه يفور
- 4
كي يفور نحي لكسكاس ونرشه بالماء البارد (3 كيلات بنفس الكيل الاول) و نخليه خمس دقائق ونقلبو فالقصعة ونحلو بيدي ونخليه يزيد يشرب خمس دقائق اخرى
- 5
نرجعو فالكسكاس يفور مرة تانية ونحيه وندهنو بالزبدة والا بالسمن ونخليه بجيه
- 6
نخدم التفاية نقلي البصلة حتى يتكرما نديرلو زبيب وشوية ما ونخليه ينشف شوية ونديلو سكر حب الرغبة ونزيد نحي الحمص مالمرقة ونحطو معاه ونزيد زنجبيل وقرفة ونطفي عليه كي يطيب وينشف
- 7
نزين الكسكس نحطو ونستف الخضر ونزيد الدجاج الفوسط وتفاية دايرة بيه وشهيتكم فالجنة
وصفات مشابهة
وصفات ننصحك بمشاهدتها
التعليقات (3)